Në një lidhje me Sylvester Stallone? Heidi Lushtaku: Ka moshën e babait tim

Modelja Heidi Lushtaku pak ditë më parë publikoi një foto në jaht me një grup personash, ku mes tyre ishte edhe aktori Sylvester Stallone.

Ndërsa u hamendësua për një romancë mes tyre, modelja i hodhi poshtë thashethemet duke u shprehur se ishin në një darkë pune pas festivali.

Ajo u shpreh se aktori ka moshën e babait të saj dhe as nuk ia vlen të përmendet si thashethem.

“Jemi grup pune mbas një festivali ku ishim të gjithë bashkë. Ishte një darkë. Sylvester një njeri i mire, i thjeshtë. Kemi qenë bashkë por thjesht punë. Mediat e kanë komplet gabim.

Ai ka moshën e babait tim. As nuk ia vlen të përmendet. Nuk dua të përgjigjem shumë. Normale dhe ata do i fitojnë paratë në një mënyrë,”– u shpreh modelja.

Gjithashtu Heidi foli edhe për ndarjen nga Robin Krasniqi duke thënë se edhe pse nuk janë më bashkë kanë respekt për njëri-tjetrin.

Modelja tha se ata komunikojnë ende bashkë si edhe me familjen e boksierit, duke theksuar se ndarjet nuk kanë pse të jenë tragjike.

“Besoj se është e rëndësishëm kur jemi njerëz publik të jemi simbol i paqes dhe qetësisë, mirësisë. Për mua ishte e rëndësishme po ashtu edhe për Robin për tu ndarë në paqe, në qetësi. Jo çdo ndarje duhet të jetë tragike. Ky ka qenë qëllimi ynë. Po jemi ende miq me njëri-tjetrin dhe flasim. Është periudha më e mirë që kam pasur në jetën time me Robinin.

Është një njeri për të cilin kam shumë respekt, sidomos për familjen e vete sepse akoma jam shumë e lidhur me ata.

Edhe nëse jam ndarë do vazhdoj ta dua mama e Robin. Kam marrë pozitivitet gjatë kësaj lidhje. Unë vetëm mirë kam marrë nga kjo lidhje, asgjë të keqe,”– tha Heidi e ftuar në emisionin “Vizioni i Pasdites”.