Nga “billboard-et” që “pushtuan” Stambollin te Kongresi Rinor, Paula Mehmetukaj: 2023 ishte viti im

Sot në “Ftesë në 5” me Bieta Sulon ishte e ftuar Paula Mehmetukaj, vajza që rrëmbeu kuroren e “Miss Universe Albania 2020”.

E pyetur nga Bieta, Paula e cilësoi këtë vit “të furishëm”, duke theksuar se krahas suksesit në modeling, puna e përditshme mes të rinjve i ka falur një tjetër lloj përvoje.

“Kam dhënë dhe kam marrë shumë nga ky vit. Kam mësuar shumë, nga të gjitha projektet që më janë besuar. Kam mësuar nga implementimi i titullit që ne kemi bërë si Kongres Rinor Kombëtar dhe patjetër fushata e madhe me “Tarik Ediz” ka lënë gjurmë në karrierën time. Mund të them që ka qenë një vit i mirë në të dyja aspektet”, u shpreh Mehmetukaj. Sa i përket projekteve të 2024, ajo preferoi t’i lërë surprizë.