Nga skenat e Sarandës në Wikipedia, rrugëtimi profesional i DJ Redi Velit

Muzika e miksuar nga DJ-të, sa vjen dhe kthehet në trend dhe artistë të mëdhenj e kanë pjesë të projekteve të tyre. Edhe në Shqipëri ky profesion është i pranishëm dhe Redon Veli i njohur artistikisht si Redi Veli, është një nga ata emra që vërtetojnë se pasioni dhe puna e vazhdueshme janë çelësi i suksesit në industrinë e muzikës. I lindur në Sarandë më 25 nëntor 1998, Redi ka arritur të ndërtojë një profil solid si DJ dhe producent, duke u bërë një figurë kyçe e argëtimit në qytetin bregdetar.

Një karrierë e ndërtuar mbi punën në studio

Rrugëtimi i tij ka nisur herët, që në vitin 2011, por pika e kthesës ishte aftësia e tij për të prodhuar remix-e që gjetën menjëherë rrugën drejt publikut. Punimi i tij mbi këngën “Balluket e ballit” mbetet një nga sukseset më të spikatura në karrierën e tij, duke u kthyer në një hit viral në rrjetet sociale dhe duke i dhënë atij një audiencë besnike që e ndjek në çdo projekt.

Edukimi dhe rritja profesionale

Ndonëse me formim në shkollën profesionale për Hoteleri-Turizëm, Redi zgjodhi që t’i dedikohej totalisht botës së tingujve. Ky vendim e ka çuar atë drejt skenave gjithmonë e më të rëndësishme. Një nga momentet kulminante të angazhimit të tij ishte performanca masive në Shëtitoren e Sarandës gjatë festave të fundvitit, në bashkëpunim me Bashkinë e qytetit, ku performoi përpara mijëra njerëzve në një atmosferë elektrizuese.

Certifikimi në platformat globale

Viti 2024 e gjen artistin sarandjot në një nivel të ri profesional. Karriera dhe biografia e tij tashmë janë dokumentuar në enciklopedinë globale Wikipedia, ndërkohë që muzika e tij ka filluar të zërë vend në platformat më të mëdha ndërkombëtare si Spotify dhe Apple Music. Ky hap e kalon kufirin lokal, duke e bërë krijimtarinë e tij të aksesueshme për publikun kudo në botë. Me një eksperiencë tashmë 13-vjeçare, Redi Veli vazhdon të mbetet protagonist i eventeve kryesore në Sarandë, duke premtuar projekte të reja që do të pasurojnë skenën muzikore shqiptare.