Nick Jonas dedikim të veçantë Demi Lovatos për ditëlindje

Këngëtarja dhe aktorja e famshme Demi Lovato ditën e kaluar festoi 25-vjetorin e saj të lindjes dhe 24 orë më pas janë grumblluar mijëra urime në rrjetet e sociale.

Këto urime nuk i përkasin vetëm fansave të saj të zjarrtë por edhe familjarëve dhe miqve të saj të ngushtë si Kelly Clarkson, Ellen DeGeneres apo Nick Jonas.

Ky i fundit duke qenë një ndër miqtë e saj më të ngushtë i ka kushtuar një urim të ndjerë i cili është shpërndarë nga portale të ndryshme të huaja. Këngëtari ka postuar në profilin e tij në Instagram një foto të tij dhe të Demi-t.

“Gëzuar ditëlindjen Demi, kemi shumë kujtime të bukura bashkë dhe shumë të tjera që do t’i krijojmë në vijim. Të adhuroj dhe jam shumë mirënjohës që të kam në jetën time. Do të doja të isha me ty për të festuar këtë ditë të shënuar”, këto janë fjalët që Jonas i ka bashkangjitur fotos.