Nicole Kidman vërteton se mund të japë këshilla për çiftet

Aktorja e njohur, Nicole Kidman ishte e ftuar në emisionin “The Late Late Show”, së bashku me yllin e Game of Thrones. Gjatë bisedës, moderatori po fliste me Kit Harington për bashkëjetesën e tij me të dashurën Rose Leslie. Në një moment, Nicole ndërhyri duke e vënë në siklet më pyetjen se kur do të martohet, gjë që e shtangu aktorin. “Nicole Kidman po vendos pikat mbi ‘i”, tha ai duke shtuar se gjërat do të ndodhin hap pas hapi. Ajo e mbylli bisedën e saj për këtë çështje, duke thënë se të paktën duhet të fejohet, pasi është më mirë të bëhet një gjë e tillë para se të fillojë bashkëjetesa. Nuk dihet nëse Kit i ka marrë parasysh këshillat e saj, por nuk do të ishte surprizë nëse do të shihnim një unazë në dorën e Rose.