Një minutë heshtje për viktimat e Las Vegasit, kërkesën e Robert Aliajt nuk e përkrah askush

Kërkesa e Robert Aliajt për të mbajtur një minute heshtje për viktimat e sulmit në Las Vegas në spektaklin e mbrëmshëm të ‘DWM’  është refuzuar.

“Ne jemi artistë, të mbajmë një minutë heshtje në nder të viktimave”, ka thënë ai. Trimi, konkurrenti i cili sapo kishte mbaruar garën e priste gjykimin e jurisë nuk ka pranuar, por ka replikuar duke i sugjeruar Bertit të mbajë heshtjen jashtë skenës: “Kush je ti, të duket vetja zot? Berti ka përsëritur sërish se si artistë të lirë që janë duhet të mbajnë heshtje e të solidarizohen me viktimat. Anëtaret e tjerë të jurisë, konkurrentët, madje as moderatorja nuk e kanë përkrahur këtë ide të tij.

Ndërhyrja me sportivitet e Alketës “Jeta vazhdon si edhe se secili prej nesh duhet të bëjë diçka që të ndryshojë veten tani që bota po kërcënohet”, i ka dhënë fund debatit të tyre dhe spektakli ka vijuar normalisht.