Njihuni me Chuando Tan, modelin i cili po “çmend” botën me moshën e tij të pabesueshme

Showbiz E Shtunë, 10 Korrik 2021 16:57

Dëshira për të qenë përjetësisht të rinj nuk është thjesht një ëndërr e fshehur në sirtar apo ekskluzivitet i gjinisë femërore, përkundrazi fle edhe tek meshkujt, të cilët ndoshta për hir të konvencioneve të pashkruara të shoqërisë nuk duan ta pranojnë këtë. Por, a është mundur kjo gjë?

Mjafton të shihni fotot e Chuando Tan, i cili ditët e fundit është bërë kryefjala e preferuar e mediave dhe portaleve më të njohura anekënd nëpër botë. Arsyeja? Askush nuk mund ta mohojë që djaloshi, i cili në të vërtetë është zotëri, që shihni në foto është një mashkull simpatik, por ajo që po habit të gjithë është mosha e tij, plot 50 vite të cilat duken sikur nuk kanë lënë as më të voglën shenjë në pamjen e jashtme, shkruan Living.

Chuando

Me një karrierë të nisur që më 1994-ën si model në Singapor, Chuando Tan tashmë është një fotograf i suksesshëm në vendin e tij, por pas një interviste të publikuar në gazetën “Straits Times” duket se fama po tejkalon kufinjtë.

Chuando 2

Chuando ka shpjeguar se çdo gjë e ka falë metabolizmit të mirë, ushqimit të shëndetshëm ku prej më shumë se 20 vitesh nuk konsumon më sheqer, kripë, alkool dhe kafeinë, si dhe aktivitetit fizik të përditshëm.