Noizy: Janë xhelozë për mua, më sulmojnë të marrin famë

Reperi Rigels Rajku, i njohur me emrin Noizy, ishte artisti që performoi në afterparty-in e koncertit të Dua Lipas në Prishtinë.

Por pas koncertit të shumëpritur, mediat kosovare shkruanin se në çastin që Noizy performoi kishte shumë pak publik, çka mbetej e paqartë nëse kjo mungesë interesi lidhje me Noizyn apo Dua Lipan.

Ndërkohë që në një prononcim për gazetën “Panorama”, Noizy ka treguar se e gjitha kjo është gënjeshtër, pasi sipas tij kërkojnë t’i ulin imazhin.

Reperi ka treguar se kudo që ai ka performuar gjatë kësaj vere si brenda dhe jashtë Shqipërisë, ka thyer rekorde.

“Mendoj xhelozia i shtyn kundër meje, duke parë që jam më i kërkuari si reper, kudo që ka shqiptarë”, është shprehur ai.

Ai ka vazhduar më tej duke thënë se ato që e sulmojnë kërkojnë të marrin famë dhe vëmendje prej tij në mënyrë që të fitojnë audiencë.