Nuk e fsheh më aspak, Sara e Ledrit ekspozon barkun e rrumbullakosur

Vetëm pak ditë më parë, reperi Ledri Vula mori vëmendjen e rrjetit me videon ku konfirmoi lajmet se ai dhe Sara do të bëhen prindër për herë të parë.

Çifti shfaqej në një super festë buzë detit në jug të Shqipërisë, ku kishin zbuluar gjininë e bebushit që pritet të vijë në jetë.

Sara do të sjellë në jetë një vajzë dhe dyshja është në qiellin e shtatë nga gëzimi.

Nëqoftëse deri tani e kishte mbajtur të fshehtë dhe përpiqej të fshihej sa më shumë nga sytë e publikut, tashmë Sara nuk na i kursen aspak pozat me barkun e rrumbullakosur.

Pasi ndau foton e parë shtatzënë, partnerja e Ledrit ka nisur “të mbushë” Instagramin me të tjera foto ku i duket mjaft mirë barku.

Vetëm pak orë më parë, Sara ka publikuar një tjetër foto ku shfaqej e veshur me një fustan dhe të gjithë sytë ishin tek barku i saj i rrumbullakosur.

Bukuroshja kishte pozuar me një mikeshë, ndërsa krahas postimit shkroi:

“Vajza ime, apo duhet të them ‘vajzat e mia?’”