Nuk ndalet Era Istrefi, shfaqet në MTV

Era Istrefi dhe suksesi i saj ndërkombëtar, tani po merr një dimension tjetër, atë të përmasave mbarëbotërore.

Këngëtarja e cila nënshkroi kohë më parë për Sony Music ka qenë kryetemë e mediave botërore sa i përket veçantisë së saj në performim.

“Bon Bon” e Era Istrefit e krijuar në Kosovë ka shpërthyer duke arritur milionë klikime si në kanalin e Erës shqiptar, ashtu edhe në kanalin e Ultra Music ku fansa nga anë e mbanë bota kanë folur fjalë të mëdha për Erën.

Ndërsa tani, kënga “Bon Bon” është transmetuar në televizionin më të madh muzikor në botë, MTV.

Transmetimi i këngës së Erës është bërë në kuadër të hiteve të vitit 2016 që kanë pushtuar botën.

Ky nuk pritet të jetë suksesi i vetëm i Erës, e cila ka në përgatitje disa projekte me producentë vendor e ndërkombëtar, ku ajo së fundmi qëndroi edhe në Londër për një muaj për të punuar pikërisht në projekte muzikore.