O’Connor zhduket përsëri

Sinéad O’Connor thuhet se është hospitalizuar vetëm disa ditë pas regjistrimit të një video duke thënë se ajo ishte e sëmurë, e dëshpëruar dhe se jetonte në një motel në Nju Jersey.

E menjëherë pas publikimit të kësaj video departamenti i Policisë së Jugut ishte thirrur në motelin Travelodge pasi dikush që pa videon e cilësoi shumë shqetësuese, transmeton arbresh.info.

Por, edhe pse policia arriti në vendin e ngjarjes , këngëtarja nuk ishte aty, ajo është zhdukur dhe policia nuk ka mundur kurrë të kontaktojë drejtpërdrejt me të.

Mirëpo policia ka treguar se ka dëgjuar se O’Connor është duke u kontrolluar në një spital psikiatrik.

Në raportin e policisë thuhet se dy persona u panë duke folur me këngëtare rreth kontrollit psikiatrik.

Video 12 minutshe e publikuar nga ajo tregon se këngëtarja është shumë keq dhe se ka vetëm një njeri në jetën e saj dhe ai është psikiatri i saj.

Ajo gjithashtu tha se e bëri videon për të tjerët që janë të sëmurë mendërisht.

“Njerëzit që vuajnë nga sëmundjet mendore janë njerëzit më të prekshëm në tokë,” tha ajo. “Nuk mund ta marrim veten.”