Pas sulmit në Machester, fansat i luten Justin Bieber të anullojë turneun

Fansat e yllit të popit, Justin Bieber i janë lutur që të anullojë turneun e tij të ardhshëm në Britaninë e Madhe, pas sulmit që ndodhi në koncertin e Ariana Grande në Manchester.

Turneu i tij ‘Hyde Park’ pritet të fillojë në korrik, por shumë ndjekës kanë komentuar në rrjetin social të menaxherit të tij Scooter Braun që të anullohet.

“Ndaloni koncertin e Justin në Britani, ju lutem! Ne duam që ai të jetë i sigurt, ju lutem,” – shkruajti një fans në Instagram.

Braun është gjithashtu menaxher i Ariana Grande, por nuk ka patur asnjë reagim për këtë kërkesë të ndjekësve, dhe nuk dihet nëse turneu do të mbahet apo do të pezullohet për një periudhë.