Porositi një vrasës me pagesë për t’i hequr qafe të ëmën, dënohet me 99 vite burg reperi

Një djalosh i ri, i cili aspiron të bëhet reper i famshëm, është dënuar me 99 vite burg. Ai akuzohet se ka punësuar një vrasës mepagesë për të hequr qafe të ëmën.

Qaw’mane Wilson, i cili performon nën emrin Young QC, punësoi Eugene Spencer për të eliminuar të ëmën, Yolanda Holmes, në vitin 2012. Wilson është dënuar të premten e 31 janarit nga gjykata e Ilinoisit, ku gjykatësi dëgjoi nga vetë djali se si boshatisi llogarinë bankare të së ëmës pas vdekjes së saj.

Ditën e vrasjes, Spencer tha se shkoi në shtëpinë e Holmes dhe qëlloi gruan, teksa ajo ishte në gjumë. Më pas, vrasësi u përball me të dashurin e Yolandës, e qëlloi atë me thikë dhe e hodhi në tokë pa ndjenja. Më pas u kthye sërish në dhomë për t’u siguruar se gruaja kishte ndërruar jetë.

23-vjeçari Wilson në atë kohë vijonte të tërhiqte para nga llogaria bankare e së ëmës. Ato i përdorte për të jetuar dhe për të rregulluar Mustangun e tij, të cilën ia kishte dhuruar nëna. Para gjykatësve u shfaq edhe një video në të cilën djaloshi hidhte kartmonedha para një turme, për të cilën mendohet se ishin fansat e tij.

Në videon që në internet gjendet nën titullin “Nick Giving Back To His Fans”, reperi shkon në bankë, tërheq paratë cash dhe më pas ia hedh ato turmës që duket se e mbështet.