Portman: Kam 100 rrëfime për ngacmime seksuale në Hollywood

Aktorja e famshme, Natalie Portman, ka thënë se ka 100 tregime të ndryshme për ngacmimet seksuale që ndodhin në Hollywood.

Aktorja që ka fituar Oscar-in është shprehur hapur për përvojat e saja për Port Magazine, duke shpjeguar se ka përjetuar ngacmime dhe manipulime nga drejtuesit ekzekutiv të studiove të ndryshme përgjatë karrierës së saj, përcjell Klan Kosova.

Problemet e këtij lloji për të kanë nisur që prej kur ka qenë fëmijë në këtë industri, kur një i ashtu quajtur tifoz i kishte dërguar një fantazi dhunimi.

Madje probleme kishte pasur edhe kur nuk ka dashur t’i ekspozojë pjesët e ndryshme të trupit, duke dashur të tregojë se ajo vlen të respektohet.

“Kjo ka qenë e papranueshme dhe manipulative”.

“Ndala të mendoj, nuk kam një tregim, kam qindra tregime”.

“Mendoj se ka shumë të tjerë që kanë vlerësime të tilla”.