Problemet me shëndetin mendor, këngëtari: Nuk e njihja më veten

Liam Payne, dikur yll i grupit të famshëm One Direction, ka folur për përballjen me shëndetin e tij mendor. Këngëtari 29-vjeçar ndau një postim në Instagram, ku tha se po kalonte një ditë të vështirë.

Ai tregoi se ka qenë i shtruar në një klinikë në SHBA vitin e kaluar, pasi vuri re se gjendja e tij mendore ishte tejet e rënduar.

”Më duhej të merrja pak kohë për veten time. U bëra disi dikush që nuk e njihja më. Isha aq i zemëruar me atë që po ndodhte rreth meje, saqë në vend që të hidhja një vështrim nga brenda, vendosa t’ia hidhja atë nga jashtë të gjithë të tjerëve. Ishte vërtet e gabuar, dhe zhgënjimet e mia me karrierën time. Dua të kërkoj falje për këtë”.