Promovoi Shqipërinë në ”Miss Universe”, rrëfimi i 23-vjeçares: M’u drodhën këmbët

Paula Mehmetukaj përfaqësoi Shqipërinë në “Miss Universe 2021”. Në një rrëfim për emisionin ”Ftesë në 5”, nga SHBA-ja aty ku edhe spektakli u zhvillua, ajo rrëfeu emocionet e gjithë këtij rrugëtimi.

“Ka qenë një emocion shumë i madh. Do e mbaj mend gjatë atë sfilatë. Aty vërtet e ndieja në çdo qelizë që duhet ta prezantoja sa më mirë vendin tim. Po, m’u drodhën këmbët se ishte sfilata e parë hapëse dhe ne ishim të parët që e hapim”, tregoi ajo.

Paula u surprizua me një videomesazh nga fotografi i mirënjohur Endrit Mërtiri, këshilla e së cilit për të ishte të qeshte sa më shumë. Sa i përket planeve dhe ambicieve të saj të mëtejshme, Mehmetukaj zbuloi se ka dëshirë të angazhohet në ekran.