Protestë për Noizyn nga fansat dhe kolegët? Staxhi menaxherial: Do të ndjekim vetëm rrugën ligjore

Noizy dhe DJ Crax u arrestuan pak ditë më parë në Shëngjin dhe janë në pritje të ekstradimit në Kosovë. Ndërkohë personazhet VIP po vazhdojnë të bëjnë thirrje e të iu japin mbështetje nga jashtë. Madje u tha së fundmi se po organizohet një protestë në lidhje me këtë, meqë për disa prej tyre është një padrejtësi kundrejt dyshes. Miku i ngushtë i reperit, Varrosi, ka reaguar me një postim të shpërndarë në rrjete sociale.

Postimi i plotë 

Dje nëpërmjet mediave u informuam se do të organizohej një protestë përpara Ministrisë së Drejtësisë për lirimin e Rigelsit (Noizyt).

Duam të informojmë fansat e Noizyt, publikun e gjerë dhe mediat, se as familja e Noizyt, as stafi menaxherial nuk kanë ndërmarrë organizimin e asnjë proteste.

Ne, jemi në një proces gjyqësor dhe do ndjekim vetëm rrugën ligjore për zbardhjen e të vërtetës dhe pastrimin e baltës mbi emrin e Noizyt.

Duam të falënderojmë përzemërsisht fansat dhe kolegët e Noizyt për mbështetjen ndaj tij në këtë situatë absurde padrejtësie.

Punë të mbarë të gjithë atyre që po punojnë drejt së vërtetës.

Stafi menaxherial.