Publikohet video e Linkin Park, e xhiruar disa ditë para vetëvrasjes së Bennington

Një episode e “Carpool Karaoke” ku mysafir ishte grupi Linkin Park – i cili ishte xhiruar më pak se një javë para se këngëtari i këtij grupi, Chester Bennington, të bënte vetëvrasje – është publikuar.

Episodi prej 23 minutash është transmetuar pa pagesë në Facebook, me lejen e familjes së Bennington.

Xhirimet ishin realizuar më 14 korrik, gjashtë ditë para se të gjendej trupi i pajetë i këngëtarit më 20 korrik, në shtëpinë e tij në LA.

Në këtë episod shihet Bennington, së bashku me anëtarët e grupit Mike Shinoda dhe Joe Hahn, duke u shëtitur me veturë në Los Angeles, të shoqëruar nga komediani Ken Jeong.

Këta këndojnë hitet e Linkin Park, si “Numb”, “In The End” dhe “Talking To Myself”.