Publikohet video e parë e grabitjes së Kim Kardashian

Mediat franceze kanë publikuar sot imazhet e para të pesë personave të dyshuar për grabitjen e Kim Kardashian në Paris.

Pamjet bardhë e zi, të filmuara nga një kamerë private, tregojnë bandën e hajdutëve duke mbërritur e u larguar me biçikleta nga rezidenca e yllit të reality show në “Hotel de Pourtales”.

Video është publikuar online ekskluzivisht nga M6 news channel, megjithatë është e pamundur të dallosh fytyrat e grabitësve.

Hajdutët vodhën nga 35 vjeçarja një unazë 4.5 milionë dollarëshe dhe bizhuteri me vlerë 5.6 milionë dollarë.