Reagon “shkaktarja” e ndarjes së Brad Pitt: S’kemi gjë bashkë

Mediat amerikane raportuan se shkaktare e shkurorëzimit mes Angelina Jolie dhe Brad Pitt ishte aktorja franceze, Marion Cotillard.

Edhe pse shumë prej fotografive nga xhirimet e filmit ‘Allied’, ku protagonist ishte Cotillard dhe Pitt tregon një afërsi të madhe mes tyre, duket se nuk ka asgjë mes tyre.

“Ky do të jetë reagimi im i parë dhe i vetmi për lajmin që u publikua 24 orë më parë dhe në të cilin jam përfshirë. Kjo situatë po evoluon me shpejtësi të madhe dhe ka ndikim të madh te njerëzit që i dua. Dhe si shkak i kësaj, unë dua të reagoj. Së pari, shumë vite më parë, kam takuar njeriun e jetës sime, babanë e djalit tonë dhe fëmijës që jemi duke pritur. Ai është dashuria ime e vetme, miku im më i mirë dhe i vetmi që kam nevojë”, tha Marion.

Por megjithëse aktorja franceze e ka përgënjeshtruar këtë fakt, ajo ka marrë kërcënime me vdekje për të cilën gjë ka marrë masa policia duke qëndruar 24 orë para shtëpisë së aktores në Paris.

Fansat e Pitt dhe Jolie i kanë dërguar mesazhe kërcënuese në llogaritë personale të mediave sociale, transmeton Telegrafi.

Vlen të theksohet se Angelina i ka dhënë fund martesës me aktorin Pitt, të cilën gjë e kanë konfirmuar përmes një mesazhi të dërguar fansave dhe mediave.

Kujtojmë se aktorja franceze është shtatzënë me regjisorin francez Guillaume Canet.