Rene Zellweger: Nuk kam ndërhyrje në fytyrë, boll u fiksuat me pamjen time

Rene Zellweger, aktorja e “Ditarit të bridget Jones” ka vendosur publikisht të flasë hapur mbi akuzat për ndërhyrje plastike. Aktorja u vu në qendër të vëmendjes në vitin 2014 ku ajo u shfaq në çmimet “Gruaja në Hollivud” dhe fytyra e saj dukej shumë ndryshe. Mediat folën gjatë për ndryshimin e madh që ajo kishte në fytyrë, duke dalë në përfundimin që ajo nuk njihej më. Por Zellweger tashmë është e lodhur nga gjithë këto akuza, ajo ka vendosur të përgjigjet më anë të një eseje të botuar tek Huffington Post. Në këtë ese ajo argumenton se debatet mbi fytyrën e saj nuk janë dicka e rëndësishme në vetvete, por rëndësi ka se sa ndikojnë në imazhin e grave për veten në të gjithë botën. Ajo mohon çdo ndërhyje që mendohet të ketë kryer në fytyrën e saj. “Jo se është puna e ndokujt, por unë nuk vendosa të ndryshoja fytyrën time dhe të bëja kirurgji plastike tek sytë. Nuk ka asgjë të vërtetë në të gjithë këtë.”