Rihanna lançon trailerin e klipit të saj të ri

Rihanna nuk do të ndalet, derisa të paguhet në trailerin e klipit të këngës së saj, “Bitch Better Have My Money”. Këngëtarja e famshme Rihanna, siç ka paralajmëruar edhe më parë, do të lançojë klipin e kësaj kënge më 2 korrik, ndërsa trailerin e këtij klipi e ka prezantuar në BET Awards këtë fundjavë. Në këtë trailer, Rihanna shihet duke ndjekur një grua pasanike, e cila i ka borxh, pastaj ato takohen në një ashensor, por çfarë ndodh pastaj do mund ta kuptoni kur të shikoni trailerin. Sigurisht që i ka bërë fansat të presin shumë gjatë klipin e kësaj kënge, pasi e ka premtuar që në muajin mars. “Bitch Better Have My Money” është një nga këngët më të reja që ka lançuar Rihanna për këtë vit, së bashku me këngën “FourFiveSeconds” dhe “American Oxygen”. Sidoqoftë, fansat duhet të presin ende për albumin e tetë të Rihannas.