“Rio 2016”, garë edhe mes femrave eskortë

Rreth 12 mijë vajza eskortë kanë pritur me padurim fillimin e Lojërave Olimpike. Juliana, e cila ndryshe nga klientët njihet si “Bruna”, thotë se Olimpiada është një mundësi që vjen një herë në jetë, pasi mund të bësh shumë para, por edhe të gjesh fatin e jetës. 23-vjeçarja kërkon që të fitojë medaljen e artë në seks. “Atletët vijnë në qytetin tim për të fituar medaljen e artë në Olimpiadë, por dua që edhe unë në fund të kem një të artë në xhepin tim për shërbimet që ofroj edhe pse ka shumë konkurrencë”, ka thënë ajo. E pyetur nëse shqetësohet, nëse oficerët e policisë do t’i hapin probleme, ajo ka një përgjigje: “Të shqetësohem? Pse? Edhe ata i kam klientë”, tregon 23-vjeçarja. Ajo thotë se ka shumë vajza eskortë në Brazil, pasi është një mundësi për të fituar para. Juliana nuk di gjuhë të huaja, edhe anglishtja e saj është shumë e dobët, por kjo nuk është problem. “Klientët nuk më paguajnë që të flas, kështu që anglishtja ime nuk përbën problem”, thotë ajo. 23-vjeçarja paguhet 100 dollarë ora, ndërsa tregon se një herë është paguar 2000 dollarë nata.