Rita Ora nëpërmjet MTV-së: Jam Kosovare, ju tregoj… (VIDEO)

Rita Ora tashmë është bërë e ditur se do të jetë mikpritëse e mbrëmjes gala të ndarjes së çmimeve “MTV Europe Music Awards 2017”. Me këtë rast siç e do zakoni, “MTV EMA 2017” ka publikuar edhe një video, teksa prezantohet Rita Ora.

Kjo e fundit edhe njëherë ka treguar se vjen nga Kosova ndërsa është lindur në Londër. “Unë jam kosovare. Nëse nuk e dini se ku është, ajo është në Evropën Lindore. Jam rritur në Londër”, ka nisur prezantimin Rita.

Ajo ka zbuluar se ka 26 tatuazhe dhe se e preferuara e saj është në dorën e djathtë, përkatësisht një lule. Rita ka treguar se urren njerëzit, kur dalin në takim dhe përdorin telefona celularë.

Rita është e nominuar në disa kategori “MTV Europe Music Awards 2017”, të tilla si, “Video më e mirë”, “Pamja më e mirë” dhe “Artistja më e mirë femër”.

https://www.facebook.com/MTVEMA/videos/10154982263328404/