Rrëfimi prekës i 21-vjeçares: Lashë amanet vajzën

Sot në “Ftesë në5” me Bieta Sulon, ishte e ftuar Lule Rushiti, 21-vjeçarja që arriti të fitonte betejën me leuçeminë. Një vit më parë, Rashiti u diagnostikua me leuçemi akute. Ky lajm tronditi familjarët, veçanërisht bashkëshortin dhe vajzën e tyre 3-vjeçare.

Për javë të tëra, Lulja ndoqi seancat e kemioterapisë, duke qendruar kështu larg bashkëshortit dhe vajzës. 21-vjeçarja pranoi që në atë kohë i mendoi edhe skenarët më negativë, ndaj nuk ngurroi t’i linte një amanet të shoqit.

“Prindërit i kam më të vjetër dhe amaneti im ishte që çdo gjë që të më ndodhte mua, Lirimi (i shoqi) të qendronte pranë vajzës e të mos e linte atë të ndjente mungesën time”, tregoi ajo. Sot Lulja gëzon shëndet të mirë dhe është duke shijuar atmosferën festive krah të shoqit dhe vogëlushes Elena.