Sara dhe Ledioni zbulojnë gjininë e fëmijës

Moderatori i njohur dhe trashëgimtarja e Top Channel Sara Hoxha kanë bërë të ditur një nga lajmet më të gëzueshme të jetës së tyre, ardhjen në jetë të fëmijës së parë. Në foton e publikuar nga Ledioni ata shfaqeshin duke shijuar pushimet që konsistojnë me muajt e parë të shtatzënisë së Sarës. Pas postimit të fotos ku dukej Ledioni duke puthur barkun e Sarës, çifti ka marrë urime pa fund nga ndjekësit e rrjeteve sociale, nga personazhet publikë, por edhe familjarët.  Dje Sara ka shprehur në Snapchatin e saj falënderime për urimet e shumta dhe ka zbuluar gjininë e fëmijës. “Ju falenderoj të gjithëve për urimet e shumta për djalin tonë të vogël. Zemra ime është e mbushur me gëzim”, ka shkruar ajo, duke bërë të ditur se së shpejti do të bëhen prindër të një djali.