Schwarzenegger i vë epitet të ri Leo Messit: Ai është ‘Terminatori i futbollit’

Arnold Schwarzenegger, një nga yjet më të mëdha në Hollywood dhe ish-guvernator i Kalifornisë, e ka cilësuar Lionel Messin si ‘terminatori i futbollit”.

Në një vizitë në “Camp Nou” aktori i njohur nuk kurseu fjalët e mira për argjentinas dhe klubin katalanas.

“E dua Barcelonën, është kënaqësi të jem këtu. E kam bërë ‘Arnolld Classic” në gjitha kontinentet dhe Barcelona është shumë e rëndësishme pasi përfaqëson klasiken europiane”.

I pyetur për futbollin dhe Messin ai tha: “Kam luajtur futboll, por talenti im ishte në Bodybuilding. Të gjithë kanë talent në zona të caktuara, doja të bëhesha kampion bote dhe ia arrita”.

“Vitin e kaluar vizitova klubin e Barcelonës dhe i pashë në stërvitje, ishte fantastike. Kur rritesh me futbollin, e ke gjithmonë në mendje. Klubet europiane janë në përgjithësi të mira dhe Barcelona është njëra nga ato, natyrisht dhe Real Madridi”.

“Messi është ‘Terminatori i futbollit’, mund ta themi këtë”, ka thënë Schwarzenegger.