Së shpejti, hiti i ri nga Dua Lipa, bashkëpunim me Dj e njohur

Dj i njohur, Martin Garrix ka treguar se ka në dorë një këngë tjetër, të cilën do ta sjellë në bashkëpunim me këngëtaren shqiptare Dua Lipa. Pas suksesit me këngën ‘Scared to be Lonely’, duket se Garrix nuk do të heqë dorë lehtë nga Dua pasi zëri i saj është i vecantë për të. “Nuk e kisha takuar kurrë Dua në jetën reale, por kisha këngën ‘Scared to be lonely’ dhe doja që ta këndonte ajo, sepse e adhuroj zërin e saj. Aktualisht jam duke krijuar një këngë tjetër që do ta këndojë ajo përsëri. Unë e pëlqej shumë atë, sepse është fantastike dhe ka një energji shumë të mire. Ka momente kur njerëzit të rekomandojnë të bashkëpunosh me të tjerë, por jo me të gjithë mund të ndihesh rehat. Me Duan po. Shkrimi i këngëve është një proces i rëndësishëm dhe nëse nuk ka një ambient të përsosur në studio për të krijuar këngën, nuk ia vlen fare të rrish aty”, tha ai në një intervistë për revistën Rogue. Nuk dha më shumë detaje për projektin e ri, por la të nënkuptohej se do të dalë së shpejti në treg, ndërkohë thuhet se mes tyre ekzistojnë shkëndija të vogla dhe mund të kemi një romancë në të ardhmen.