Selena Gomez, vajza më e ndjekur në Instagram në gjithë botën

Selena Gomez fitoi edhe një herë vendin e parë në Instagram. Aktorja, këngëtarja dhe producentja u bë femra më e ndjekur në Instagram edhe një herë duke lënë pas Kylie Jenner të familjes Kardashian-Jenner të reality show-t amerikan “Keeping Up with the Kardashians”.

Nuk është hera e parë që Selena Gomez zë vendin e parë, ajo ka qenë prej vitesh e preferuara në Instagram. Ajo u eklipsua nga këngëtarja Ariane Grande në vitin 2019, por Grande u tejkalua më vonë nga Jenner, e cila u bë gruaja e parë në Instagram me 300 milionë ndjekës.

Ndjekësit e aktores dhe këngëtares arritën në 387 milionë dje, ndërsa Jenner 380 milionë ndjekës. Pra, ajo është gruaja e parë në Instagram, edhe pse e treta në përgjithësi pas Ronaldos dhe Messit.