Serbiano-Noizy, nga sherri i reperave te tritoli në Durrës

Rrjeti social Tik-Tok është ”pushtuar” nga video e sherrit masiv me grushta mes reperit Kleviol Ahmetit, i njohur ndryshe si ”Cllevio Serbiano”, me artisitin e mirënjohur të skenës, Noizy. Sot një tjetër ngjarje e ndodhur në Durrës, përfshin Ahmetin, pasi dyshohet edhe për vendosjen e tritolit në bizneset e repereit Noizy në Durrës.

Një sasi lënde plasëse shpërtheu në lokalin dhe dyqanin e rrobave të Noizy-t, në orët e para të mëngjesit të sotëm. Policia tha se shpërthimi ka ndodhur rreth orës 04:24, në lagjen Nr.13, ku për pasojë ka vetëm dëme materiale. Policia bën të ditur se ambientet e butikut “Illyrian” dhe të lokalit “Rigels Shisha Lounge” janë marrë me qira nga Bashkim Rajku, babai i Noizy-t.

Por Policia nuk ka arritur të zbulojë një element të rëndësishëm për hetimin. Noizy ka deklaruar se ishte në gjumë kur ndodhi shpërthimi dhe nuk e ka drejtuar gishtin tek askush.

Po ashtu reperi ka treguar përmes një postimi në Instastory, edhe se sherri nisi pasi Ahmeti i ofendoi familjarët. Por teksa zihej me Noizyn, ”Cllevio Serbiano” duhej të ishte në shtëpi pasi Gjykata e Lushnjes kishte caktuar ndaj tij masën ”arrest shtëpiak” për posedim të lëndëve narkotike dhe armë të ftohta pa leje. Tani ai do të hetohet edhe për përplasjen me Noizyn.