Serena Williams bëhet nënë për herë të parë

Tenistja Serena Williams, e cila ka qenë edhe kampione bote, ka sjellë në jetë vajzën e saj, në spitalin e West Palm Beach në Florida, ku i është rezervuar një kat i tërë. Kampionia amerikane dhe partneri i saj Alexis Ohanian, themelues i rrjetit social Reddit u bënë prindër këtë të premte, ndërsa vogëlushja erdhi në jetë pak më shumë se 3 kilogramë. Serena u bë nënë në moshën 36-vjeçare, ndërsa mësohet se çifti e mësuan gjininë vetëm në sallën e lindjes, pasi nuk kishin preferuar ta bënin më parë. Vetëm pak ditë më parë tenistja deklaroi se donte të kthehej sa më shpejt në fushë.