Sharon Stone sfidon 60 vitet e saja (FOTO)

Tullumbace shumëngjyrëshe, një dhuratë e fëmijëve dhe një foto e patrukuar. Kështu po i feston 60 vitet e saj, disa ditë para kohe, e dëshmon se nuk ka humbur asnjë gram nga sharmi i saj.

Diva, që duket se nuk i njeh vitet, Sharon Stone është në prag të të 60-ave (i mbush më 10 mars), shifër e rrumbullakosur kjo, dhe nuk ka aspak frikë të tregojë se koha kalon. Kjo, edhe për faktin se, mbi të koha duket se nuk lë asnjë shenjë.

E jo më kot, “New York Times” i dedikon asaj një artikull dhe e sjell me një galeri fotosh mahnitëse, ku 60-vjeçarja të lë pa frymë.

Në vitin 1996 ajo fitoi një “Golden Globe” për interpretimin e saj në “Casino”, por ai që e bëri të famshme përtej çdo kufiri ishte roli i saj i Catherine Tramell, në “Basic Instinct”, film i Paul Verhoeven në vitin 1992.