Shkak sëmundja, Chris Hemsworth tërhiqet përkohësisht nga aktrimi

Aktori i famshëm, Chris Hemsworth do të tërhiqet përkohësisht nga aktrimi, pasi mësoi se ka një rrezik të shtuar për të zhvilluar sëmundjen e Alzheimerit.

Ai tregon se po planifikon të ndërmarrë hapa parandalues për të mos e lejuar zhvillimin e sëmundjes. Ylli i “Thor” i mori këto të dhëna gjatë xhirimeve të serialit dokumentar, “Disney+ Limitless”, gjatë të cilit ai bëri disa teste të caktuara.

Me këtë rast, mësoi se ka dy kopje të gjenit ApoE4, një nga nëna dhe një nga babai, gjë që e bën atë tetë deri në 10 herë më të rrezikuar për ta zhvilluar këtë sëmundje.