Sh*rri mes Princ Lekës dhe Elias, jehonë edhe në mediat e huaja. Nga ”Daily Mail” tek ”New York Times”

Lajmi i sherrit të madh brenda familjes Mbretërore shqiptare ka marrë jehonë edhe në mediat ndërkombëtare.  Media britanike ”Daily Mail” i ka kushtuar një artikull të gjatë sherrit mes Princ Lekës dhe Elia Zaharias.

“Princi i kurorës Leka II ka kërkuar ndërhyrjen e policisë pas një incidenti të dyshuar të dhunës në familje që përfshinte ish-bashkëshorten dhe ish-vjehrrin e tij. Një video u shfaq në internet të martën e Lekës, 41 vjeç, i cili dyshohet se ishte përfshirë në një përleshje fizike me Princeshën Elia, 41 vjeç, dhe babain e saj, Gjergj Polikron Zaharia, 73 vjeç. Kjo vjen dy muaj pasi dyshja, e cila ka një vajzë trevjeçare, Princeshën Geraldine, njoftoi fundin e martesës së tyre, duke thënë se bashkimi kishte ‘humbur funksionin e tij”,-thuhet mes të tjerash në artikull.

Edhe ”New York Times” i ka kushtuar një artikull video-skandalit, me pretendimet e Princ Lekës i cili thotë se është slmuar fizikisht nga babai i Elia Zaharias, Gjergj Zaharia i cili në pamjet e publikuara shihet teksa mban në dorë një statujë druri.