Sidrit Bejleri tregon bisedën me Rita Ora

Këngëtarja shqiptare me famë ndërkombëtare, Rita Ora ka qëndruar për 24 orë në Tiranë për dasmën e kushërirës së saj.

Ajo tërhoqi vëmendjen e të gjithëve, duke përfshirë disa emra të njohur të ekranit si Alketa Vejsiu, Manjola Nallbani dhe Sidrit Bejleri që ishin në një ceremoni me të.

Këngëtari nga Shkodra ka publikuar një detaj nga takimi që pati me të nëpërmjet një postimi në Instagram.

“E pyeta sa është ora? Ma ktheu: Sa asht sahati? Shumë e thjeshtë dhe njerëzore Rita Ora. Faleminderit për vlerësimin,” – shkruajti ai.

Duket se ai ka kaluar kohë të këndshme me 27-vjecaren, e cila dukej mjaft e lumtur në postimet që ka publikuar në rrjete sociale gjatë kohës së kaluar në kryeqytet.