Sinan Hoxha dhe Andrra martohen, ja ç’shkruajnë në ftesat e dasmës

Edhe pak ditë na ndajnë nga dasma e këngëtarit Sinan Hoxha dhe partneres së tij simpatike, Andrra Destani. Çifti ka shpërndarë ftesat e ceremonisë fundjavën që lamë pas. Ashtu siç dhe mund të mendohej, ftesat do t’i shkonin për shtat dasmës luksoze që të dy kanë menduar të realizojnë.

Ndër të tjera në ftesë shkruhet:

“Do të martohemi! E kemi vendosur, në doni besojeni, në doni jo! Për të qenë dëshmitarë të këtij gëzimi do të donim të ishit pjesë e festës sonë. Nuk duhet të ndiheni të ftuar, duhet të ndiheni të detyruar”.

Sinani dhe Andrra do ta celebrojnë dashurinë e tyre më 27 gusht në një ndër resortet e Tiranës. Veç pjesës tradicionale të dasmës, të dy po realizojnë një dasmë luksoze, ku nuk do të mungojnë të ftuarit VIP.