Sonte në Vjenë të Austrisë do të mbahet nata e dytë e Eurovisionit, ku edhe Shqipëria është pjesë e garës. Kryeministri Edi Rama ka një thirrje publike për mbështetjen e artistit Alis me këngën ”Nan”. Në një mesazh në rrjetet sociale, Rama ka inkurajuar publikun që të votojë për Shqipërinë, për të mbështetur artistin shqiptar Alis.
”Le të mbështesim artistin dhe përfaqësuesin tonë në Eurovision, Alis, dhe ta bëjmë zërin shqiptar të dëgjohet në gjithë Europën dhe më gjerë”, shkruan Rama. Po ashtu kreu i qeverisë bën thirrje që shqiptarët anembanë botës të votojnë numrin 13 duke publikuar edhe të gjitha kodet sipas shteteve dhe numrave të votimit.
Këngëtari Alis do të ngjitet në skenën e Eurovision Song Contest 2026 për të përfaqësuar Shqipërinë me këngën “Nan”, që sjell një mesazh të fuqishëm dhe prekës mbi figurën e nënës në familjen shqiptare.
VIDEO/ Një figurë ikonike në skenën e Eurovisionit, Rajmonda Bulku prek me rolin e Nanës