Spitali privat ku u shtrua Kate Middelton, mediat britanike: Stafi mjekësor tentoi të hapte dosjen sekrete dhe…

Spitali ku princesha e Uellsit, Kate Middleton mori trajtim mjekësor, ka qenë në qendër të një skandali të madh të sigurisë mbrëmjen e djeshme. “The Mirror” shkruan se stafi mjekësor u përpoq të hynte në të dhënat private mjekësore të Middleton.

Princesha iu nënshtrua një operacioni ‘misterioz’ abdominal, për të cilin nuk u zbuluan kurrë detaje. Për të garantuar privatësinë e saj, dera e dhomës ku ishte shtruar princesha, ruhej ditë e natë nga 2 policë, por mesa duket një masë e tillë nuk ka qenë e mjaftueshme.

Një prej punonjësve, ishte përpjekur të hakonte skedarin e kompjuterit që përmande kartelën mjekësore me informacion konfidencial mbi kushtet shëndetësore të princeshës së Uellsit.