Sting rikthehet me album rock

Kanë kaluar 13 vite qëkur nuk ka pasur asgjë të re nga muzikanti legjendar, Sting. Në katër albumet paraprake, ai ka eksperimentuar me muzikën folk dhe atë klasike, prandaj publiku kishte kërkuar nga ai këngë rock. Në nëntor të këtij viti do të dalë në shitje albumi “57th & 9th”, për të cilin 64-vjeçari ka thënë se “është albumi i parë rock në 13 vitet e fundit”. Në një intervistë për revistën Rolling Stone, Sting ka treguar se albumi ka marrë emrin sipas një udhëkryqi në qytetin e New Yorkut, të cilin e kalon çdo ditë për të shkuar në studio.