Reperi Stresi, djali i Sali Lushajt, ish-badyguardit të Sali Berishës, ka vendosur t’i futet politikës zyrtare, duke kandiduar për Këshillin Kombëtar të Partisë Demokratike. Teksa ka ftuar demokratët që të bashkohen në rrugëtimin e tij, Arkimed Lushaj pretendon se ka ardhur koha që rinia të ngrihet dhe të marrë vendin që meriton në shoqëri dhe politikë. Kujtojmë se ditën e nesërme do të mblidhet Kuvendi Kombëtar i PD-së, ku do të të votohen ndryshimet statutore dhe anëtarët e rinj të Këshillit Kombëtar të PD-së.
Postimi i plotë
Sot kam vendosur të hedh një hap më shumë për vendin tim, për të rinjtë dhe për zërin e një brezi që shpesh është ndjerë i papërfaqësuar.
Kandidimi im për Këshillin Kombëtar të PD-së nuk është thjesht politikë është përgjegjësi, përfaqësim dhe besim tek rinia shqiptare.
Kam ardhur nga rruga, nga jeta reale, nga sfidat që çdo i ri i njeh mirë. Prandaj dua që zëri ynë të dëgjohet aty ku merren vendimet.
Nuk ka më kohë për heshtje, për largime apo për dorëzim. Ka ardhur koha që rinia të ngrihet, të flasë dhe të marrë vendin që meriton.
Ftoj çdo të ri që beson te ndryshimi, te energjia e re dhe te Shqipëria që mund të bëhet më mirë, të bashkohet me mua në këtë rrugëtim.
Sepse e ardhmja nuk pret. Dhe ajo ndërtohet nga ne.