Tashmë edhe këngëtari legjendar Charles Aznavour e ka një yll në Hollywood

Pavarësisht se i përket thuajse një epoke tjetër tashme edhe këngëtari legjendar Charles Aznavour më në fund e ka një yll në Bulevardin e Famës në Holliwood.

I njohur nga të gjithë si Frank Sinatra francez, Aznavour ka shitur më shumë se 100 milionë disqe në 80 vende të ndryshme.

Ai ia ka dedikuar madje edhe jetëgjatësinë e tij trashëgimisë së tij kulturore: “Unë jam francez dhe armen. E të dyja këto nuk mund t’i ndaj nga njëra-tjetra. Është si t’i hedhësh qumësht kafesë. Nuk mund t’i ndash. Unë jam i tillë. Kam një emër armen, Sharl Aznavurian dhe në frëngjisht unë jam Sharl Aznavour. Është fantastike të kesh dy kultura të ndryshme”.

Në moshën 93-vjeçare, Aznavour vazhdon të performojë dhe pritet që vitin e ardhshëm të ndërmarrë edhe një turne ndërkombëtar.