Të destinuar për të qenë bashkë: Soni rrëfen takimin me të fejuarin
E ftuar tek “Rudina” në TV Klan, pasditen e sotme ka qenë këngëtarja Soni Malaj. Në formë si gjithmonë, ajo tregon se për të patur trupin që ka mban një regjim strikt dhe sigurisht shumë palestër. Përveç imazhit, i cili për të është më shumë se i rëndësishëm dhe i kushton vëmendje me detaje, Soni ka folur gjithashtu për planet e ardhshme të karrierës.
E pyetur nga moderatorja se si ishte takimi i parë me Klevin, më e lumtur se kurrë, Soni tregon se gjithçka ka qenë krejt rastësi.
“Isha në ditëlindjen e mikes time të ngushtë. Do darkonim dhe po prisja të më sillnin makinën. Krejt rastësisht, shfaqet ai, i cili ishte gjithashtu shoku më i mirë i mikeshës sime. Aty diçka ndodhi mes nesh dhe ja! Ka qenë e shkruar, ishte e destinuar”, tha Soni.
