Thuajse 6 muajshe: Zaimina poston foton e parë shtatzënë

Pritja e ëmbël e Zaimina Vasjarit është bërë po aq e famshme në Shqipëri sa ajo e motrave Kardashian! Fillimisht familjarë të saj thanë se këngëtarja është në pritje të fëmijës së parë, lajm që jo vetëm s’u konfirmua, por nuk u komentua asnjëherë nga Zaimina.

Pastaj të premten (6 tetor), Elona Duro zbuloi në emisionin “Pop Culture” se Zaimina ishte 6 muajshe shtatzënë, por biseda u mbyll shpejt, duke lënë të kuptohet se i kishte shpëtuar një informacion i tillë.

Tani vetë Zaimina e pranoi, me fjalë dhe me figurë. “Thuajse 6 muajshe shtatzënë,” shkruan ajo në foton e publikuar në Instagram, veshur sportive dhe me barkun e mbuluar, ndërsa duket në formë të shkëlqyer.

Vetëm pak muaj më parë Zaimina bëri publik lajmin e fejesës me partnerin e saj prej gati 10 vitesh, biznesmenin Klodian Asllani dhe tani një vogëlush/e do t’i shtohet familjes së tyre të vogël.

https://www.instagram.com/p/BZ9CPNxhoCm/?taken-by=zaimina_vasjari