U mori kamerierëve bakshishet në vlerë prej 430 mijë dollarësh, punonjësit denoncojnë Jessica Bielin

Jessica Biel po akuzohet prej punonjësve të restorantit të saj që gjendet në qytetin e Los Angelesit.

Në fakt, bëhet fjalë për drekat, darkat dhe ahengjet e ndryshme, ku ‘bakshishet’ i janë marrë prej aktores dhe bashkëpunëtorëve.

Sipas nëntë punonjësve, bashkëshortja e Justin Timberlake së bashku me ortakët u kanë marrë kamerierëve bakshishet në vlerë prej 430 mijë dollarësh.

Punonjësit e aktores tashmë kërkojnë një dëmshpërblim prej 1 milion dollarësh.

Mbetet të shihet se si do të zhvillohet më tutje ky kontest pasi që përfaqësuesit ligjorë të restorantit kanë reaguar duke pohuar se ka ndodhur një “keqkuptim teknik” dhe sipas tyre paratë janë marrë nga një menaxhere që është pushuar nga puna.