Vaji i ullirit mban Jennifer Lopez larg nga rrudhat

Edhe pse vitet kalojnë, Jennifer Lopez, vijon të mbetet në super formë dhe me një portret kaq rinor. Në fytyrën e saj është paksa e vështirë që të gjesh një rrudhë, e madje fansat e akuzojnë se ka bërë botox. Një gjë të tillë e ka hedhur poshtë në mënyrë kategorike këngëtarja dhe aktorja e famshme. Ajo thotë se për ”rininë e përjetshme” i detyrohet vajit të ullirit.

Lopez ka treguar se si dikur, kur ishte 23-vjeçe një doktor u përpoq ta bindte të bënte botox, por ajo nuk pranoi. ”Thjesht pyes veten se çfarë do të më kishte ndodhur po të kisha nisur botox-in aq e re. Fytyra ime do të ishte krejtësisht ndryshe nga kjo që kam sot”, tha ajo.

E lind pyetja a i mban vaji i ullirit larg rrudhat? Vaji i ullirit përmban antioksidantë, për të cilin disa njerëz pohojnë se ndihmon në zvogëlimin e shfaqjes së vijave të imëta dhe rrudhave. Sidoqoftë ai nuk ka kurrsesi të njëjtin efekt si një injeksion kundër rrudhave.