Vajza me pamje djali? Miss-i shkakton polemika, 20-vjeçarja shkruan histori pasi…

”Miss France 2024”, është një vajzë me flokë të shkurtra dhe pa format e zakonshme që jemi mësuar në konkurse bukurie. Pas shpalljes së fitueses, menjëherë kanë shpërthyer polemikat.

20-vjeçarja Eve Gilles u kurorëzua Miss përpara 7,5 milionë spektatorëve. “Kemi parë Miss-e me flokë ta gjatë, por unë zgjodha një pamje androgjinore me flokë të shkurtër. Askush nuk duhet të na thotë se si duhet të dukemi. Gratë janë të ndryshme dhe të gjitha jemi të veçanta”, tha Gilles pasi mori çmimin.

Fituesja e ”Miss France” zgjidhet me votat e publikut dhe të jurisë. Gilles doli e treta nga votat e publikut, ndërsa votat e jurisë e katapultuan në vendin e parë. Gilles është Miss-i i parë francez me flokë të shkurtra në historinë 103-vjeçare të konkursit të bukurisë.