Vejusha e themeluesit të ‘Playboy’ nuk do trashëgojë asnjë cent nga pasuria e tij marramendëse

Gruaja e Hugh Hefner duket se nuk do të marrë një qindarkë na pasuria e krijuesit të “Playboy”, i cili ndërroi jetë këtë mëngjes, në moshën 91 vjeçare.

31 vjeçarja Kristal Harris, u martua me Hefner në vitin 2012 në një ceremoni që u zhvillua në pallatin famëkeq ‘Playboy’.

Harris thuhet se ka nënshkruar një kontratë të hekurt, e cila e ndalon vejushën e tij të trashëgojë ndonjë kacidhe nga pasuria e 43 milion dollarësh.

Në vend të kësaj, pasuritë origjinale të ‘Playboy’ do të ndahen midis katër fëmijëve të tij, Universitetit të Kalifornisë dhe disa organizatave bamirëse.

Hugh Hefner e nisi si përpjekje e një njeriu të vetëm do të kthehej shumë shpejt në “markën” që përvijoi kulturën seksuale të shekullit XX. Modelet e bëshme të “Playboy”-t u shndërruan në objekt fantazie për miliona meshkuj, ndërsa Hefner sfidoi kështu hapur puritanizmin amerikan. Rolin e “playmate” e kanë interpretuar në vite edhe plot yje të Hollivudit.

Hefner pretendonte se kishte pasur marrëdhënie intime me mbi 1000 femra. Me gruan e tretë, Chrystal Harris, lidhi kurorë në vitin 2012, kur ishte 86 vjeç, ndërsa ajo ishte 60 vjet më e re.