VIDEO/ Ermal Mamaqi sherr ‘live’ me Saimir Kodrën…
Komediani Ermal Mamaqi publikoi në rrjete sociale një video ndërkohë që ndodhej në grimin e televizionit Klan.
Së bashku me të kanë qenë edhe dy moderatorët e emisionit ‘Stop’, Saimir Kodra dhe Gentjan Zenelaj. Por duket se video nuk ka qenë aq miqësore siç ndodh zakonisht mes kolegësh. Duket se Saimiri ka hatërmbetje ndaj Ermalit dhe diçka të tillë e shpreh shumë qartë.
Fillimisht Ermali e nis videon duke thënë: “Përshëndetje! Nëse ka një njeri më të bukur në botë, ai është Sajmiri i STOP-it. Këtij i ka ngelë hatri me mua për diçka por nuk po e themi çfarë është”.
Por ajo çfarë ka habitur ka qenë përgjigja e Kodrës: “Nuk më ka ngelë hatri mo Ermal. Është qasja jote profesionale që çaloi. Nuk është ngelje hatri, është thjeshtë për tu përmirësuar ti”, – përfundon ai.
Më pas Ermali e vazhdoi videon me Gentin, të cilin veçse koleg e ka edhe mik të vjetër kur së bashku me Julian Dedën kishin grupin e njohur të humorit “SHBLSH”, transmeton Express.
