Ylli i James Bond vendos të mos i lerë asnjë cent fëmijëve: Trashëgimia është mjaft e keqe

Ylli i Hollivudit Daniel Craig nuk do t’ua lërë pasurinë fëmijëve të tij, duke thënë se ai planifikon ta dhurojë për bamirësi. Craig, i cili ka një pasuri të vlerësuar prej 145 milion dollarësh, nuk do t’u japë fëmijëve të tij asnjë cent, duke thënë se filozofia e tij është ta “heqë qafe pasurinë ose ta largojë përpara se të ndahet nga kjo jetë”.

52-vjeçari i tha revistës Saga: “Nuk dua të lë shuma të mëdha për gjeneratën e ardhshme. Unë mendoj se trashëgimia është mjaft e keqe”.

Craig ka një vajzë 28-vjeçare nga martesa e tij me ish-gruan Fiona Loudon dhe një fëmijë tjetër me partneren e tij aktuale, aktoren Rachel Ëeisz.

Gjatë një paraqitje të fundit në Saturday Night Live, Craig, i cili gjithashtu luajti agjentin sekret të dashur të Ian Fleming në Casino Royale, Quantum of Solace, Skyfall dhe Spectre, tha: “Ky film i James Bond do të jetë i fundit, por do të jetë ai nga më të mirët ”.

Publikimi i filmit të James Bond “No Time To Die ” është vonuar në mes të frikës së koronavirusit. Lëshimi i filmit të ri James Bond është shtyrë me shtatë muaj pasi koronavirusi vazhdon të përhapet. Prodhuesit thanë se kishin shtyrë botimin e “No Time To Die” nga prilli në nëntor pas “shqyrtimit të kujdesshëm dhe vlerësimit të plotë të tregut global teatral”.