Ylli i “Little Mix” është në pritje të fëmijës së parë

Ylli i “Little Mix”, Leigh-Anne Pinnock është shtatzënë. Këngëtarja 29-vjeçare zbuloi se ishte në pritje të fëmijës së saj të parë me të fejuarin Andre Gray. Lajmin e bëri me dije përmes një postimi në rrjete sociale, ku shkruante se ëndrra e saj më në fund po bëhej realitet.

“Ne kemi ëndërruar për këtë moment për kaq shumë kohë dhe nuk mund ta besojmë se ëndrra më në fund po bëhet e vërtetë…mezi po presim ta takojmë.“, shkroi këngëtarja e famshme.

Ky lajm ishte i papritur për fansat pasi ajo u pa javën e fundit në Londër, e veshur me një veshje të gjelbër duke mbuluar barkun në mënyrë të përsosur. Anëtarët e tjera të bandës, Jade Thirlwall dhe Perrie Edwards uruan këngëtaren për fëmijën që pritet të vijë në jetë.